"صراع صغير"
وصلت للبيت لگيت أمي بالمطبخ صوت المواعين وريحة الطبخ وضجة الأخبار من التلفزيون گعدت يمها بس وجهي چان شارد
سألتني:
خيرچ؟ ليش ساكته؟
تنفست بعمق وگلت:
أريد أفكر… أريد أعرف شنو أريد أسوي بحياتي
رفعت راسها باستغراب:
شنو يعني؟ حياتچ واضحة جامعة، دراسة، بعدين زواج ليش تعقّدين الأمور؟
سكتت ما جاوبتها بس حسيت گلبي ينكسر لأن هذي الكلمة نفسها أسمعها دايماً: "واضحة"
بس محد يعرف شكد داخلي غامض شكد أحس ما عندي طريق وشكد أريد أقرر شي يخصني أني
ما گدرت أجاوبها بس دموعي نزلت بصمت
گمت ورحت لغرفتي سديت الباب وكتبت بدفتري:
'يمكن حياتي واضحة إلهم بس إلي أنا غابة'
ومرة ثانية تذكرت كلمة الغريب:
"مو كل شي ضاع فعلاً ضاع."
يمكن لازم أدوّر عن ضوء بهالغابة!